بنت نجد
08-24-2008, 03:03 AM
السلام عليكم ورحمة الله وبركاته ..
اليوم جبنا لكم قصه من قصص التراث الشعبي عساها تعجبكم ان شاء الله بس قبل لا اقول القصه ابغا انبه على شي
ترى القصص اللي انقلها لكم تصير من تنقيحي واعدادي مع اضافة بعض التعليقات يعني لاتقولون ناقلتها بنت نجد ترى انا اكتب في كم منتدى ..
جرى التنويه والله على ما اقول شهيد <<< لا جيبي المصحف احلفي :rolleyes:
هناك الواحد والواحد الله في سماه العالي .. والا كل بليس مخزيه الله
والا هاك الشاعر من شعراء السر من أهل بلدة جفن توفي عام 1356
هالشاعر يوم كان شباب كان يشتغل في النخيل وبعد ما كبر صار يشتغل في البناء والطين هذا الشاعر عاش في
منطقة السر وتزوج في أول شبابه وجاه ولد ولا قعد عنده طير مثل هالعيال اللي يطيرون , راح واستقر في
المنطقة الشرقية , وجلس هالرجال فتره ما عنده أحد ولا عنده حرمه ولا هاك الحرمة الصالحة الدينه اللي
متوفي عنها رجلها تقدم لها وخذها وهو على كبر ويوم خذها ولاها حرمة ذربه وفيها دين وضفره بالحيل وبعد
فتره رزقه الله هاك البنية من هالمره . وبدت البنية تكبر ودائماَ البنت لها حنان خاص من أبوها والبنت دائماَ
الطف من الولد المهم كبرت البنت , والحاصل يالربع أن هالرجال في هالبيت عنده هالمره مدللته وماشاء الله
عليها ضفره وسنعه تسوي قرصان وجريش هالجريش اللي ما شاء الله تقول كأنه دماغ جربوع ( عاد من فيكم
شاف دماغ الجربوع :rolleyes:) هذولي الحريم الضفرات اللي يطبخن قبل كذا عاد وين تلقونهم الحين ( ما عاد فيه إلا بنات
يقلون برجر هذي السنعه فيهم الله يخلف بس :o) المهم يالربع ما لكم بالطويلة البنت الحين كبرت وصار عمرها 13
مربيتها أمها على الضفاره والذرابه صارت هي اللي تقابل أبوها إذا جاء وهي اللي تقهويه ( سنعه مثل أمها )
ولا فيها جمال يهبل ما تقدر تناظرها أكثر من ثلاث دقايق هالك المبسم اللي يالله تدخل معه العنبه,عاد كثرو
العيال اللي يتسنعون ويتملحون عند أبوها ( حركاتكم يالعيال اذا حطيتو عينكم على أحد ;) ) اللي يسلم عليه في
المسجد واللي يحب رأسه واللي يقول تأمر شي ياعم أنا ولدك اللي ما تعبت عليه ويا كثر هاللي يحببون رأسه
والله ياجبهته أنحفرت من التحبيب كلن قام يتكلم ما شاء الله تبارك الله يابنت عند عبدالله بن علي بن دويرج
المهم يالربع كبرت البنت وصار عمرها 16 وصارت هي اللي تقهوي أبوها وطيبه اذا بغا
يروح المسجد وتولم بشته عاد صار أبوها معتمد عليها في كل شي , الحاصل يوم جاء يوم من الأيام الله لا يعيد
الشر ولاها أيام شتاء مثل وقتنا الحين جاء هو بعد صلاة العشاء ولا حرمته شابه الجمر وحاطه عليه مركب أبو
ثلاث رجلين جنبه الدله وبريق الحليب قالو تبي نصب لك قهوة وإلا حليب قال اللي تبون , قامت الأم وصبت له
حليب يوم رشف الحليب قال كأنه بارد قالت لا نسخنه الحين قال قومي وأنا أبوك روحي جيبي لنا حطب عويدات
رمث ولا تجيبين طوال مره جيبي عويدات تدخل تحت المركب قامت البنت وخذت السراج وراحت للحوش تبي
تلقط حطب وقامت تلقط عويدات على قول أبوها تدخل تحت المركب ولا توها ملقطه ثلاث أو أربع وتلقى هاك
العود طويل بالحيل جت تبي تكسره على ركبتها وطق السراج وينجعف وينكب قازه ويطفي قامت هي تلمس في
الحطب يوم تلمست يا دافع البلاء وتقرصها داب مع أصبعها وتجي معوده وتصبر وتألم ماتبي تبين الابوها وما
تبي تزعجهم ( والله لوها من بنات الحين كان تفضح الدنيا بالسانها :cool:) المهم راح أول الليل ولا يوم كاد عليها
الوجع ودلت تقلب وتسدح مع الألم وتفزع الأم والجيران ويحطون هاك التمرة وعجين تمر ومدري ويش يبغونه
يفيد يوم يومين ويوم جاء نهار ثالث وهي توفي ولا يوم أنحشت كبد الأبو وقعد أربعة أشهر مثل الجرح قاطب
على صدره كل ما ذكرها يتزفر هاك التزفر الله يجيركم أن ناظر الباب هذا تذكرها يوم أنها واقفه عنده وتذكر
يومها تقلط له الغداء ويومها تقهويه .
عاد قال هالقصيده وهي من قصائد الرثاء ..
عفى الله عن عين(ن) حلى النوم جافيها
................................................كر اهـا قليـل وذارف الدمـع محفيهـا
إلى قلـت الا ياعيــــــن هيـدي وهـودي
...........................................جرى دمعها الصافـي وهلـت عباريهـا
تبين فروع الصبح مـا ذاقـت الكـرى
.........................................ولا لوم عين(ن) فارقت شـوف غاليهـا
ولا زل يـوم أو ليلـه مــا تعـبـرت
..........................................على النـوح أعزيهـا ولانـي بقاويهـا
وأنا في زجا جزل العطا عالـم الخفـى
..............................................يلطف بحـال(ن) خافـي الهـم باريهـا
على نور عينـي لـب قلبـي ومهجتـي
.........................................تحـن الضمايركـل مـا حـل طاريهـا
حنين الخلوج اللي عن الظيـر فاختـت
.........................................إلى غاب عنها ساعة(ن) مـا يباريهـا
وأنا كيف ما أبكي طفلة (ن) غضة الصبا
............................................حوريـة (ن) سبحـان رب(ن) مسويهـا
نشت بالهدى والديـن والحــــق والبهـا
.........................................فالو طالـت الأيـام مـا نيـب ناسيهـا
فيهـا طبـــــوع (ن) كامــــلات حمـيــده
....................................حنون علـى الجيـران وصـار عانيهـا
عفيفة نظيفة جيب مـا داسـت الخطـا
...........................................ولا هوجست بالمذهـب اللـي يرديهـا
حشا ما بها مـن خافـي العيـب ذارب
.....................................سواء حشمة الوالـد فهـذا فهـو فيهـا
كمل عمرها ثنتين مـع عشـر وأربـــع
.........................................سواء محترمها تسفهـه لـو يحاكيهـا
خذت هجنه(ن) فالبيـت عنـدى قليلـه
.........................................أمانه وخذهـا الخيـر اللـي عطانيهـا
فــــلا نيـب جـــزاع فـلا شـك ولـعـــه
...................................أعرف الأمانة مـا لهـا غيـر راعيهـا
فايا سامع دعواي فـي مظلـم الدجـى
........................................تمحـي خطاياهـا وتثبـت حسانيـهـا
وتجعل لها فـي مجنـة الخلـد منـزل
........................................وتقطف جنـا جنـات طيبـة وتجنيهـا
وتعوظهـا فيمـا قصـر مـن شبابهـا
................................. برضـاك ياخلاقهـا وأنــت واليـهـا
ألهـي ودودي دعـوتـي تستجيبـهـا
...................................... على النفس كلها مـن غلاهـا نبديهـا
ألا وتكـدر خاطـري مــن فراقـهـا
.................................. ولـو لا غلاهـا مـا تكلفـت راثيـهـا
سمية دمع المـزن فـي غبـة البحـر
....................................... سواء البنك ما يدرك ثمنهـا ويشريهـا
صلو على مـن لافتـرى سيـد الـورى
....................................... وأن مابـي إلايـوم يطـري سميـهـا
صلو على مـن لافتـرى سيـد الـورى
...................................... عدد ما جرى من رايح المـزن ودايهـا
اليوم جبنا لكم قصه من قصص التراث الشعبي عساها تعجبكم ان شاء الله بس قبل لا اقول القصه ابغا انبه على شي
ترى القصص اللي انقلها لكم تصير من تنقيحي واعدادي مع اضافة بعض التعليقات يعني لاتقولون ناقلتها بنت نجد ترى انا اكتب في كم منتدى ..
جرى التنويه والله على ما اقول شهيد <<< لا جيبي المصحف احلفي :rolleyes:
هناك الواحد والواحد الله في سماه العالي .. والا كل بليس مخزيه الله
والا هاك الشاعر من شعراء السر من أهل بلدة جفن توفي عام 1356
هالشاعر يوم كان شباب كان يشتغل في النخيل وبعد ما كبر صار يشتغل في البناء والطين هذا الشاعر عاش في
منطقة السر وتزوج في أول شبابه وجاه ولد ولا قعد عنده طير مثل هالعيال اللي يطيرون , راح واستقر في
المنطقة الشرقية , وجلس هالرجال فتره ما عنده أحد ولا عنده حرمه ولا هاك الحرمة الصالحة الدينه اللي
متوفي عنها رجلها تقدم لها وخذها وهو على كبر ويوم خذها ولاها حرمة ذربه وفيها دين وضفره بالحيل وبعد
فتره رزقه الله هاك البنية من هالمره . وبدت البنية تكبر ودائماَ البنت لها حنان خاص من أبوها والبنت دائماَ
الطف من الولد المهم كبرت البنت , والحاصل يالربع أن هالرجال في هالبيت عنده هالمره مدللته وماشاء الله
عليها ضفره وسنعه تسوي قرصان وجريش هالجريش اللي ما شاء الله تقول كأنه دماغ جربوع ( عاد من فيكم
شاف دماغ الجربوع :rolleyes:) هذولي الحريم الضفرات اللي يطبخن قبل كذا عاد وين تلقونهم الحين ( ما عاد فيه إلا بنات
يقلون برجر هذي السنعه فيهم الله يخلف بس :o) المهم يالربع ما لكم بالطويلة البنت الحين كبرت وصار عمرها 13
مربيتها أمها على الضفاره والذرابه صارت هي اللي تقابل أبوها إذا جاء وهي اللي تقهويه ( سنعه مثل أمها )
ولا فيها جمال يهبل ما تقدر تناظرها أكثر من ثلاث دقايق هالك المبسم اللي يالله تدخل معه العنبه,عاد كثرو
العيال اللي يتسنعون ويتملحون عند أبوها ( حركاتكم يالعيال اذا حطيتو عينكم على أحد ;) ) اللي يسلم عليه في
المسجد واللي يحب رأسه واللي يقول تأمر شي ياعم أنا ولدك اللي ما تعبت عليه ويا كثر هاللي يحببون رأسه
والله ياجبهته أنحفرت من التحبيب كلن قام يتكلم ما شاء الله تبارك الله يابنت عند عبدالله بن علي بن دويرج
المهم يالربع كبرت البنت وصار عمرها 16 وصارت هي اللي تقهوي أبوها وطيبه اذا بغا
يروح المسجد وتولم بشته عاد صار أبوها معتمد عليها في كل شي , الحاصل يوم جاء يوم من الأيام الله لا يعيد
الشر ولاها أيام شتاء مثل وقتنا الحين جاء هو بعد صلاة العشاء ولا حرمته شابه الجمر وحاطه عليه مركب أبو
ثلاث رجلين جنبه الدله وبريق الحليب قالو تبي نصب لك قهوة وإلا حليب قال اللي تبون , قامت الأم وصبت له
حليب يوم رشف الحليب قال كأنه بارد قالت لا نسخنه الحين قال قومي وأنا أبوك روحي جيبي لنا حطب عويدات
رمث ولا تجيبين طوال مره جيبي عويدات تدخل تحت المركب قامت البنت وخذت السراج وراحت للحوش تبي
تلقط حطب وقامت تلقط عويدات على قول أبوها تدخل تحت المركب ولا توها ملقطه ثلاث أو أربع وتلقى هاك
العود طويل بالحيل جت تبي تكسره على ركبتها وطق السراج وينجعف وينكب قازه ويطفي قامت هي تلمس في
الحطب يوم تلمست يا دافع البلاء وتقرصها داب مع أصبعها وتجي معوده وتصبر وتألم ماتبي تبين الابوها وما
تبي تزعجهم ( والله لوها من بنات الحين كان تفضح الدنيا بالسانها :cool:) المهم راح أول الليل ولا يوم كاد عليها
الوجع ودلت تقلب وتسدح مع الألم وتفزع الأم والجيران ويحطون هاك التمرة وعجين تمر ومدري ويش يبغونه
يفيد يوم يومين ويوم جاء نهار ثالث وهي توفي ولا يوم أنحشت كبد الأبو وقعد أربعة أشهر مثل الجرح قاطب
على صدره كل ما ذكرها يتزفر هاك التزفر الله يجيركم أن ناظر الباب هذا تذكرها يوم أنها واقفه عنده وتذكر
يومها تقلط له الغداء ويومها تقهويه .
عاد قال هالقصيده وهي من قصائد الرثاء ..
عفى الله عن عين(ن) حلى النوم جافيها
................................................كر اهـا قليـل وذارف الدمـع محفيهـا
إلى قلـت الا ياعيــــــن هيـدي وهـودي
...........................................جرى دمعها الصافـي وهلـت عباريهـا
تبين فروع الصبح مـا ذاقـت الكـرى
.........................................ولا لوم عين(ن) فارقت شـوف غاليهـا
ولا زل يـوم أو ليلـه مــا تعـبـرت
..........................................على النـوح أعزيهـا ولانـي بقاويهـا
وأنا في زجا جزل العطا عالـم الخفـى
..............................................يلطف بحـال(ن) خافـي الهـم باريهـا
على نور عينـي لـب قلبـي ومهجتـي
.........................................تحـن الضمايركـل مـا حـل طاريهـا
حنين الخلوج اللي عن الظيـر فاختـت
.........................................إلى غاب عنها ساعة(ن) مـا يباريهـا
وأنا كيف ما أبكي طفلة (ن) غضة الصبا
............................................حوريـة (ن) سبحـان رب(ن) مسويهـا
نشت بالهدى والديـن والحــــق والبهـا
.........................................فالو طالـت الأيـام مـا نيـب ناسيهـا
فيهـا طبـــــوع (ن) كامــــلات حمـيــده
....................................حنون علـى الجيـران وصـار عانيهـا
عفيفة نظيفة جيب مـا داسـت الخطـا
...........................................ولا هوجست بالمذهـب اللـي يرديهـا
حشا ما بها مـن خافـي العيـب ذارب
.....................................سواء حشمة الوالـد فهـذا فهـو فيهـا
كمل عمرها ثنتين مـع عشـر وأربـــع
.........................................سواء محترمها تسفهـه لـو يحاكيهـا
خذت هجنه(ن) فالبيـت عنـدى قليلـه
.........................................أمانه وخذهـا الخيـر اللـي عطانيهـا
فــــلا نيـب جـــزاع فـلا شـك ولـعـــه
...................................أعرف الأمانة مـا لهـا غيـر راعيهـا
فايا سامع دعواي فـي مظلـم الدجـى
........................................تمحـي خطاياهـا وتثبـت حسانيـهـا
وتجعل لها فـي مجنـة الخلـد منـزل
........................................وتقطف جنـا جنـات طيبـة وتجنيهـا
وتعوظهـا فيمـا قصـر مـن شبابهـا
................................. برضـاك ياخلاقهـا وأنــت واليـهـا
ألهـي ودودي دعـوتـي تستجيبـهـا
...................................... على النفس كلها مـن غلاهـا نبديهـا
ألا وتكـدر خاطـري مــن فراقـهـا
.................................. ولـو لا غلاهـا مـا تكلفـت راثيـهـا
سمية دمع المـزن فـي غبـة البحـر
....................................... سواء البنك ما يدرك ثمنهـا ويشريهـا
صلو على مـن لافتـرى سيـد الـورى
....................................... وأن مابـي إلايـوم يطـري سميـهـا
صلو على مـن لافتـرى سيـد الـورى
...................................... عدد ما جرى من رايح المـزن ودايهـا